Í Fjarmenntaskólanum er boðið upp á nám í fjallamennsku. Námið er í umsjón Framhaldsskólans í Austur-Skaftafellssýslu.
Náminu er ætlað að auka hæfni nemenda til að ferðast um fjalllendi og óbyggðir á Íslandi. Námið veitir ekki formleg réttindi en á að gera nemendur færari um að skipuleggja ferðir um fjalllendi og óbyggðir og veita grunnþjálfun í að meta vettvang og velja úrræði við ólíkar aðstæður.
Fjallamennskunámið er 60 eininga fagnám sem er skipulagt sem vettvangsnám og fjarnám. Vettvangsnámið er fyrst og fremst almennar og sérhæfðar ferðir á fjöll og jökla, auk heimsókna í fyrirtæki. Fjarnámið er einkum náttúrufræði og skipulag ferða.
Hægt er að nýta fagnámið sem sérhæfingu á kjörnámsbraut til stúdentsprófs eða til framhaldsskólaprófs sem er í boði í FAS.
Nánari upplýsingar í síma 470 8070 og fas@fas.is