Í Fjarmenntaskólanum er boðið upp á nám á sjúkraliðabraut.
Námið er í umsjón Fjölbrautaskóla Norðurlands Vestra, Verkmenntaskóla Austurlands og Menntaskólans á Ísafirði.
Sjúkraliðanám er 206 eininga nám með námslok á 3. hæfniþrepi. Námið skiptist í almennar greinar, heilbrigðisgreinar og nám í sérgreinum sjúkraliðabrautar. Nám í sérgreinum sjúkraliðabrautar er bæði bóklegt og verklegt nám í skóla og starfsnám á heilbrigðisstofnunum. Sjúkraliðanám tekur að jafnaði 3 ár eða 6 annir. Tilgangur sjúkraliðanáms er að undirbúa nemendur undir krefjandi störf við hjúkrun, endurhæfingu og forvarnir bæði á heilbrigðisstofnunum og á heimilum fólks þar sem reynir mikið á samskiptafærni og siðferðisvitund starfsmanna. Í náminu er rík áhersla lögð á samvinnu við starfsfólk og stjórnendur í heilbrigðisþjónustu. Sjúkraliðanám getur verið góður grunnur fyrir frekara nám í heilbrigðisvísindum. Að lokinni brautskráningu frá skóla getur nemandi sótt um löggildingu starfsheitis til Embættis landlæknis og öðlast þá réttindi til að starfa sem sjúkraliði á Íslandi. Starfsheitið sjúkraliði er lögverndað.
Brautarlýsing samkvæmt nýrri námskrá
Námið skiptist í almennar og sérhæfðar greinar. Stefnt er að því að fara af stað með nýjan hóp á hverju hausti og myndu nemendur þá taka sérhæfðu áfangana eftir skipulaginu hér fyrir neðan.
Sjúkraliðabraut - sérhæfðar greinar
| Námsgrein | 1. önn - haust | 2. önn - vor | 3. önn - haust | 4. önn - vor | 5. önn - haust | 6. önn - vor |
|---|---|---|---|---|---|---|
| Heilbrigðisfræði | HBFR1HH05 | |||||
| Hjúkrun, grunnur - verkleg | HJVG1VG05 | |||||
| Hjúkrun | HJÚK1AG05 | HJÚK3ÖH05 | HJÚK2TV05 | HJÚK3FG05 | HJÚK3LO03 | |
| Hjúkrun | HJÚK2HM05 | |||||
| Líffæra- og lífeðlisfræði | LÍOL2SS05 | LÍOL2IL05 | ||||
| Líkamsbeiting | LÍBE1HB01 | |||||
| Lyfjafræði | LYFJ2LS05 | |||||
| Næringarfræði | NÆRI1IN05 | |||||
| Samskipti | SASK2SS05 | |||||
| Siðfræði | SIÐF2SS05 | |||||
| Sjúkdómafræði | SJÚK2MS05 | SJÚK2GH05 | ||||
| Starfsþjálfun sjúkraliða | STAF3ÞJ27 | |||||
| Sýklafræði | SÝKL2SS05 | |||||
| Upplýsingalæsi á tölvur og sjúkraskrár | UPPÆ1SR05 | |||||
| Verknám sjúkraliða | VINN3ÖH08 | VINN2LS08 | VINN3GH08 | |||
| Samtals einingar á önn | 21 eining | 28 einingar | 28 einingar | 23 einingar | 13 einingar | 27 einingar |
Nemendur geta svo tekið almennar greinar eftir því sem best hentar hverjum og einum en almennu greinarnar má sjá hér fyrir neðan.
Sjúkraliðabraut - almennar greinar
| Námsgrein | 1. þrep | 2. þrep | 3. þrep |
|---|---|---|---|
| Danska | 5 einingar | ||
| Enska | 10 einingar | 5 einingar | |
| Félagsvísindi | 5 einingar | ||
| Íslenska | 10 einingar | ||
| Íþróttir | 5 einingar | ||
| Lífsleikni | 5 einingar | ||
| Náttúruvísindi | 5 einingar | ||
| Sálfræði | 5 einingar | SÁLF3ÞR05 | |
| Skyndihjálp | 1 eining | ||
| Stærðfræði | 5 einingar | ||
| Samtals | 20 einingar | 36 einingar | 10 einingar |
Sjúkraliðabrú
Inntökuskilyrði á sjúkraliðabrú er að nemandi hafi staðist grunnskólapróf í samræmi við námsmat sem ráðuneytið birtir um viðmið við lok grunnskóla í almennum hluta Aðalnámsskrár eða sambærilegt nám. Umsækjandi þarf að vera orðinn 23 ára og hafa að lágmarki 5 ára starfsreynslu við umönnun aldraðra,
fatlaðra eða sjúkra. Umsækjandi þarf að vera starfandi við umönnun aldraðra, fatlaðra eða sjúkra þegar sótt er um námið auk þess að skila meðmælum frá vinnuveitanda. Þeir sem uppfylla inntökuskilyrði á brautina skulu ljúka að lágmarki 146 feininga sérgreinanámi sjúkraliðabrautar.