Í Fjarmenntaskólanum er boðið upp á nám á félagsliðabraut. Námið er í umsjón Menntaskólans á Egilsstöðum.
Markmið náms og kennslu á félagsliðabraut er að auka þekkingu og fagkunnáttu þeirra sem sinna einstaklingum sem þurfa sérstaka aðstoð við athafnir daglegs lífs. Að loknu námi eru nemendur færir um að styrkja jákvæða sjálfsmynd einstaklinga og stuðla þar með að auknu sjálfstæði þeirra. Kynntar eru aðferðir til að greina, skilja og virða þarfir fólks auk þess sem stefnt er að því að auka lífsgæði þeirra sem þjónustunnar njóta, bæði líkamlega, efnislega, félagslega og tilfinningalega. Stöðugt er leitast við að vekja athygli nemenda á manngildi og leita nýrra leiða til að þróa og bæta þjónustuna.
Nám fyrir félagsliða er skipulagt sem fimm anna nám sem samanstendur af kjarnagreinum sem sameiginlegar eru starfsnámsbrautum og sérgreinum félagsliða. Nemendur velja á milli sérhæfingar í starfi með fötluðu eða öldruðu fólki. Vinnustaðanám fer fram á lokaönnum námsins.
Menntaskólinn á Egilsstöðum býður upp á nám á félagsliðabraut haustið 2020 ef næg þátttaka fæst.
Ekki náðst tilskilinn fjöldi umsækjenda og því miður ekki hægt að hefja kennslu á félagsliðabraut haustið 2020.
Unnið er að endurskipulagningu námsbrautarinnar í samvinnu við Borgarholtsskóla og er hún í samþykktarferli hjá Menntamálastofnun. Nánari upplýsingar má sjá á heimasíðu ME eða í netfanginu fjarnam@me.is
Námið er allt í fjarnámi og gjald er samkvæmt gjaldskrá fjarnáms í ME.
Skipulag náms á brautinni 2020-2022
| 1. önn H20 | 2. önn V21 | 3. önn H21 | 4. önn V22 | 5. önn H22 |
|
|---|---|---|---|---|---|
| Kjarnagreinar | UTN2A05 HEIM2SI05 ATFR2VÖ05 SÁLF2SS05 SAMS1SS05 | ASUM2UA05 FÉV3A05 FÉLA2FÖ05 SKYN1SE01 SÁLF3FG05 | HÚSS2AG05 LYFJ2FF05 HLSE1ÍÞ05 ÖLFR2ÖL05 | SÁLF3ÞR05 UPPE2SS05 VAPÓ2VN10 FSFÞ2FJ05 NÆRI2ON05 | VAPÓ3FR10 FSFÞ3FS05 |
| Valsvið* | FÖTL2BO05 ÖLDR2BO05 | FÖTL3AO05 ÖLDR3BO05 |
|||
| Bundið áfangaval** | ENSK2MO05 ÍSLE2RR05 STÆR2RU05 | FÉLA2HE05 FÉLA2SS05 FÉLA2ST05 | SÁLF3LS05 SÁLF2ÍÞ05 SÁLF3AF05 | KYNJ2KK05 UPPE2SU05 |
|
| Samtals einingar á önn | 30 einingar | 31 einingar | 30 einingar | 30 einingar | 30 einingar |
*Nemendur velja annað hvort fötlun eað öldrun
**Nemendur velja 6 áfanga
Alls 151 eining 5 annir
Birt með fyrirvara um breytingar í maí 2020