Fiskeldisbraut (FSN og VA)

Í Fjarmenntaskólanum er boðið upp á nám í fiskeldi. Námið er í umsjá Fjölbrautaskóla Snæfellinga og Verkmenntaskóla Austurlands. Námsbrautin er nú í staðfestingarferli en kennsla eftir brautarlýsingu hefst í ágúst 2018.

Brautarlýsing

Námið er nýtt og spennandi þverfaglegt nám sem fjallar um allt frá sjávarlíffræði og tæknifræði, yfir í öflun, meðferð og úrvinnslu gagna. Námið er sett upp sem tveggja ára bóklegt nám en vinnustaðaheimsóknir og starfsnám er mikilvægur þáttur í náminu. Námið verður að hluta til kennt í fjarnámi.

Nemendur læra m.a.

  • Um helstu aðgerðir sem þarf til að sinna tæknistörfum á fiskeldisstöð
  • Um mismunandi fiska, líffræði þeirra og heilsuþáttum sem og umhverfisskilyrðum í tengslum við fiskeldi
  • Hvernig umhverfið hefur áhrif á fiskeldi og skráningu þeirra gagna sem notuð eru
  • Um fóðrun, seiðaeldi, framleiðsluáætlanir, framleiðsluferli og hagfræði
  • Hvernig á að nota þann tæknibúnað sem þarf í tengslum við vinnu á nútíma hátækni fiskeldisstöð

Fiskeldisbraut býður upp á ýmsa möguleika t.d. að hefja vinnu hjá fiskeldisfyrirtæki að loknu námi eða halda áfram námi, ljúka stúdentsprófi og fara í frekara nám í fiskeldi við háskólann á Hólum eða erlendis.

Umsókn um nám á fiskeldisbraut

Nafn:

Netfang (lestu það vandlega yfir, þú færð sent afrit):

Kennitala:

Heimilisfang:

Póstnúmer:

Sveitarfélag:

Sími:

Er óskað eftir mati á fyrra námi?
Nei

Viltu fá raunfærnimat (metin starfsreynsla og annað nám)?
Nei

Hefur þú starfað við fiskeldi eða starfar þú í fiskeldi núna?

Annað sem þú vilt taka fram: